Канадската пејачка Грајмс, која е позната како голем поддржувач на вештачката интелигенција во музиката, вели дека нејзиниот нов албум е инспириран од оваа технологија, но дека не го создала со нејзина помош.
Изјавата доаѓа во време кога музичката индустрија сè повеќе расправа за улогата на вештачката интелигенција во пишувањето песни.
Грајмс, чие вистинско име е Клер Буше, и претходно експериментираше со новите технологии и ја поддржуваше употребата на вештачката интелигенција во музиката. Сепак, со новиот проект таа прави разлика меѓу музика инспирирана од технологијата и музика што е целосно генерирана од неа.
Во дебатата се вклучи и американската пејачка Кели Кларксон, која предложи да постојат одделни музички топ-листи за песни создадени од луѓе и за оние генерирани со вештачка интелигенција.
Развојот на оваа технологија отвора сè повеќе прашања за авторските права, оригиналноста и иднината на музичката индустрија, особено по појавата на алатки што можат да создаваат песни со вокали и инструментална придружба без директно учество на музичари.
Фото: Гети
