Со премиерата на операта „Риголето“ од Џузепе Верди, синоќа (9 мај) почна 53. издание на Мајските оперски вечери (МОВ) во Националната опера и балет (НОБ).
Диригент беше Џанлука Мартиненги, режијата е на Пјер Франческо Маестрини (двајцата од Италија), сценограф Гилермо Нова од Шпанија, костимографка Кристина Ачети од Италија, а кореографијата е на Саша Евтимова.
Со Хорот и Оркестарот настапија солистите Леон Ким како Риголето, Марио Баг како Војводата од Мантова (двајцата од Јужна Кореја), Ана Дурловски како Гилда и Игор Дурловски како Спарафучиле, а во другите улоги: Николина Јаневска, Владимир Саздовски, Драган Ампов, Јане Дунимаглоски, Александра Лазаровска-Василевски, Диме Петров, Марика Поповиќ и Десанка Глигоријевиќ.
До 31 мај, на Мајските оперски вечери ќе се изведат и „Лебедово езеро“ (15 мај), „Набуко“ (19 мај), „Мадам Батерфлај“ (23 мај) и „Турандот“ (27 мај), а затворањето традиционално е со „Аида“.
(Фото: К. ПОПОВ)
