Надреализмот настанал како литературно движење во Париз на почетокот на 20 век. Во 1924 година, писателот Андре Бретон го напиша надреалистичкиот манифест, дело што ја направи потешка разликата помеѓу соништата и реалноста. Што се однесува до архитектурата, уникатните градби што произлегуваат од него можат да бидат неконвенционални, футуристички, деконструктивни и флуидни.
„Дејли паспорт“ направи избор од најинтересната надреалистичка архитектура од светот која е најпопуларна кај туристите.
„Интел Хотел Заандам“ во Заандам, Холандија (фото)
Главниот архитект Вилфрид ван Винден замислил наредена структура која се состои од речиси 70 различни единици Крајниот резултат е секако необична глетка, покриви, врати и прозорци во зелена и сина боја.
Хотел „Галерија“ во Братислава, Словачка
Локалното население го познава овој хотел од бајките како Куќата на пеперутките. Експлозија на бои, дезени, форми и чудни украси, овој хотел е во спротивност со конвенционалните згради што го опкружуваат. Направен во 2011 година и исполнет со апстрактна уметност, тој е дело на архитектот Стефан Полаковиќ.
„Валдспирале“ во Дармштат, Германија
Зградата беше завршена во 2000 година и денес е исто толку необична како и пред четвртина век. Во зградата во форма на буквата У се сместени 105 апартмани распоредени на 12 ката и изградени околу внатрешен двор. Внатре, заоблените ѕидови и смелите бои на плочките даваат дополнителна надреалистична слика.
Центар за дизајн на Универзитетот во Торонто, Канада
Центарот за дизајн во центарот на Торонто има неверојатна сличност со џиновска маса. Зградата беше изградена како монохроматска фасада, со покриен двор што обезбедува простор за собирање на студентите. Иако не е строго надреалистички, критичарите понекогаш го нарекуваат така поради начинот на кој изгледа како да лебди над улицата осум ката подолу.
Куќа во Есекс, Велика Британија
Локалниот уметник Грејсон Пери соработуваше со архитектонска фирма за да создаде куќа во Есекс, која гледа на селото околу реката Стур во источна Англија. Уметникот го дизајнирал домот имајќи на ум измислен клиент. Нејзиното име е Џули Коуп. Внатре, шарените уметнички дела на Пери го истакнуваат смелиот декор.
