ВМРО-ДПМНЕ прогласи голема победа на осмите локални избори, а во вчерашниот втор круг доби и градоначалник на Скопје.
- Владејачката партија победи во уште 22 општини во вториот круг на гласањето и во следните четири години ќе има градоначалник во 54 општини, 12 повеќе од претходните избори во 2021.
- ВМРО-ДПМНЕ ја презема власта и во Карпош, Валандово, Дојран, Кичево и Град Скопје, каде што Орце Ѓорѓиевски го победи кандидатот на Левица, Амар Мециновиќ, со 34.000 гласови повеќе.
- СДСМ ќе има градоначалник во шест општини, десет помалку од досега, „Вреди“ во девет, а Националната алијанса за интеграција во четири.
- Максим Димитриевски од ЗНАМ останува градоначалник на Куманово, кандидатот на Унија на Роми победи во Шуто Оризари, а Менди Ќура победи во Струга како независен кандидат.
- Во Гостивар, Центар Жупа, Врапчиште и Маврово-Ростуше ќе има ново гласање откако во првиот круг не беше постигната потребната излезност.
- Излезноста во вториот круг беше 40,46%.
Фото: К. Попов
