„Сиел Дубаи марина“, највисокиот хотел во светот, беше отворен на 15 ноември и ги пречека своите први гости. Висок 377 метри, хотелот има 82 катови, а го дизајнираше наградуваната архитектонска фирма „НОРР“.
Хотелот располага со 1.004 луксузно опремени соби и апартмани, сите со стаклени прозорци, кои нудат панорамски поглед на Палм Џумеира, Арапскиот Залив и целиот град. Цените на собите се движат од 310 евра за ноќевање.
Во хотелот ќе има и осум ресторани, највисокиот инфинити базен на светот се наоѓа на 76. кат, на височина од 310 метри, а неколку спратови подолу е и највисокиот клуб на светот. На 61. кат гостите ќе можат да уживаат во спа-центар.
Отворањето на хотелот се случува додека Дубаи го шири својот туристички сектор. Минатата година, Дубаи го посетиле 18,7 милиони странци.
(Фото: Профимедија)
