Со изведбата на „Госпоѓа министерка“ од Бранислва Нушиќ, во режија на Синиша Ефтимов, вчеравечер (22 јануари) започна новата сезона на велешкиот театар „Јордан Хаџи Констатнинов-Џинот“.
Таа се одигра пред полна сала, но и останатите четири претстави кои се на репертоарот овој месец се веќе распродадени. Вечерва (23 јануари) и на 30 јануари ќе се игра „Мало невино убиство“, на 28 јануари е комедијата „Вечера за глупаци“, а најдолговечната претстава на Велешкиот театар „Синиот портокал“, која во април ќе наполни осум години од премиерата, е на репертоарот на 31 јануари. Почетокот на сите претстави е од 20 часот.
П. ПЕЧКОВ
