„Нетфликс“ објави трејлер за втората сезона на „Берлин“, спиноф серијата на „Куќа од хартија“ (La Casa de Pape), чија премиера е закажана за 15 мај. Втората сезона е насловена „Берлин и Дамата со ермелин“ и ќе има осум епизоди.
Покрај Берлин, кого го игра Педро Алонсо, ќе се врати и остатокот од неговата банда, која во првата сезона изврши грабеж во Париз.
Новата сезона е сместена во Севиља. Берлин и Дамијан (Тристан Улоа) повторно го собираат тимот, со план да го украдат ремек-делото на Леонардо да Винчи, „Дамата со ермелин“.
„Берлин“ се одвива пред случувањата во хитот „Куќа од хартија“, која имаше пет сезони, пред да заврши во 2021.
(Фото: Нетфликс)
