Музичарот Игор Јагуриноски од Прилеп, поранешниот пејач на групата „Бен Хур“ на музичките платформи ја промовираше новата песна „Блуз во душата“.
„Напишав молски блуз кој буди тага и носталгија, а инспирацијата за доаѓа од искрена љубовна приказна на близок пријател“, вели музичарот.
Јагуриноски, како поранешен пејач на групата „Бен Хур“, е вклучен и во Македонската рок енциклопедија. Денес е пејач и гитарист на групата „Рок блуз бенд“ и акустичниот состав „Иги Бок“, а паралелно пишува и авторска музика. Тој е автор на „Блуз во душата“, како и на петте претходни песни.
Јагуриноски ги напиша музиката, текстот, аранжманот и го сними видеоспотот. Првото гитарско соло го отсвири неговиот син Михаил, а завршниот микс е на Борче Шабаноски.
„Не пишувам музика за да заработувам, туку за да пренесам мои чувства и размислувања“, вели Јагуриноски.
