Британското архитектонско студио „Фостерс+Партнерс“ оваа недела го објави изгледот на новиот стадион на Манчестер јунајтед, за кој беше кажано дека ќе биде „најдобар на светот“. Имајќи предвид дека во тек се подготовките за светските фудбалски првенства во 2030 и 2034, бројни модерни стадиони моментално се во изградба.
СТАДИОНОТ НА МАНЧЕСТЕР ЈУНАЈТЕД
Со 100.000 седишта, тоа ќе биде најголемиот стадион во Велика Британија.
СТАДИОНОТ „ХАСАН 2“
Ќе биде еден од централните стадиони на СП 2030, чиј домаќин ќе биде и Мароко. Треба да има 115.000 седишта, со што ќе биде најголем на светот.
СТАДИОНОТ „КРАЛОТ САЛМАН“
Тука треба да се игра финалето на СП 2034 во Саудиска Арабија. Ќе има 92.000 места.
СТАДИОНОТ „НЕОМ“
Ќе се гради на врвот на контроверзниот мегаград Линија во Саудиска Арабија. Засега нема многу детали за неговиот дизајн.
СТАДИОНОТ НА РОМА
Новиот дом на италијанскиот прволигаш ќе има 65.000 седишта и ќе го замени легендарниот „Олимпико“.
СТАДИОНОТ НА ФОРЕСТ ГРИН РОВЕРС
Славното студио „Заха Хадид“ го дизајнираше првиот целосно дрвен стадион на светот. Тука ќе игра сегашниот англиски петтолигаш, а ќе има 5.000 седишта.
СТАДИОНОТ НА АЛ-АХЛИ
Новиот дом на славниот египетски клуб ќе може да прими 42.000 гледачи.
АРКТИК АРЕНА
Овој стадион со 10.000 седишта ќе се гради во норвешкиот град Буде.
СТАДИОНОТ „КИДИЈА КОУСТ“
Ова е еден од 15-те стадиони на кои ќе се игра СП 2034 во Саудиска Арабија.
