ДИЏЕЈ ТЈЕСТО СЕ ОЖЕНИ СРЕДЕ ПУСТИНАТА ВО ЈУТА

Јута, (Дејли мејл)

Еден од најпопуларните холандски музичари Диџеј Тјесто се ожени со својата девојка Аника Бакес среде пустината во Јута, САД.

Педесетгодишниот Тјесто, кој е шести најплатен диџеј на светот со проценето богатство од 120 милиони фунти, носеше одело на Том Форд и кажа дека го базирал својот изглед врз омилениот филмски лик Џејмс Бонд, додека фустаните на неговата 27 години помлада сопруга беа на Оскар де ла Рента и Берта.

Тјесто за својата венчавка го избра „Аманџири“, опишан како футуристички ресорт со пет ѕвезди. Според „Вог“, церемонијата со 80 гости се одржала под отворено небо, среде карпестите гребени и песочните дини што го опкружуваат ресортот.

Тјесто и Аника се запознале во Њујорк во 2015 година и лани се свршиле на Малдиви.