СЛОВЕНИЈА ГО ПРОИЗВЕДЕ ПРВИОТ ЕЛЕКТРИЧЕН АВИОН ОДОБРЕН ОД ЕУ

Љубљана, (Ројтерс)

Словенија го произведе првиот целосно електричен авион кој доби сертификат од европската Агенција за безбедност во авиосообраќајот, што значи дека ги исполнува сите безбедносни стандарди и може да се користи за комерцијални цели.

„Велис електро“ на компанијата „Пипистрел“ е мал двосед, наменет за обука на пилоти. Може да лета околу 50 минути, што е типично за школска употреба.

„Почнавме да летаме на електричен погон во 2007 година и изградивме осум други авиони пред ‘велис електро‘. Сертифициран авион значи дека тој може да се користи за комерцијални цели без ограничувања и ова е голем чекор напред за авијацијата воопшто“, изјави Тине Томажич, директорот за развој и истражувања во „Пипистрел“.

Таа планира да испорача 31 ваков авион во седум држави во текот на оваа година.