Кендал Џенер, можеби, не е така експонирана и платена како останатите членови на семејството Кардашијан-Џенер, но заработува повеќе од кој било модел на светот.
Дваесет и тригодишната Џенер заработила 22,5 милиони долари во периодот од јуни 2017 до јуни 2018 година, што ја прави најдобро платен модел за оваа година, објави „Форбс“. Меѓу повеќето брендови, таа е заштитно лице на „Адидас“ и на „Келвин Клајн“.
Нејзината сестра Кајли Џенер годинава заработи 166,5 милиони долари благодарение на својата козметичка линија и е на пат да стане милијардерка.
На второто место на најдобро платени модели е Карли Клос со 13 милиони долари, а Криси Тајген е на третото место со 11,5 милиони.
Кендал Џенер втора година по ред се најде на врвот на оваа листа, откако лани, по 15 години, ја замени Жизел Бундшен како најплатена манекенка.
