Моден викенд Скопје, кој годинава слави 30-годишен јубилеј, ќе се одржи од 25 до 27 април во „Дајмонд резиденс“ во Скопје.
„Оваа година под слоганот ‘Заедница’ (Community), Моден викенд Скопје ја става заедницата во центарот на својата визија. Ова не е модна недела што гледа само кон пистата, ова е модна недела што гледа кон луѓето. Бидејќи што е модата без оние кои ја носат?“, велат организаторите.
Најавени се модни ревии, јавни дискусии, визуелни инсталации, изложби и други содржини. Учениците од СУГС „Димитар Влахов” ќе ги прават фризурите на моделите.
Фото: Ѓ. Личовски
