Адријана Лима беше меѓу „ангелите“ на „Викторијас сикрет“ кои се спуштија на пистата на првата ревија на брендот за долна облека по неколку години пауза. Оваа ревија своевремено беше еден од најисчекуваните модни настани на годината, но беше укината во 2019 поради контроверзи.
Настанот се пренесуваше на „Амазон прајм видео“ и Јутјуб и обедини имиња како Кејт Мос, Алесандра Амброзио, Тајра Бенкс, Ирина Шајк и сестрите Хадид. Настапија вкупно 50 манекенки од 25 држави и едночасовниот настап го следеше форматот познат од изданијата од минатото.
Од „Викторијас сикрет“ кажаа дека годинашната ревија ќе го врати сексапилот и ќе го одрази брендот каков што е денес.
Во музичкиот дел настапија Шер, корејската поп-ѕвезда Лиса и јужноафриканската пејачка Тила.
