Интерактивно шоу „Детско диско“ ќе се одржи на 28 декември во Младинскиот културен центар (МКЦ). Термините се од 12 и од 14 часот.
„Детско диско“ е наменето за деца од две до 12 години и комбинира музика, танц, анимација и визуелна магија. Програмата вклучува детски диџеј, маскоти, 3-Д анимации и професионални аниматори.
„Настанот е уникатна можност за децата да ја доживеат новогодишната еуфорија преку игра, музика и заедничка радост“, велат организаторите.
