Осум автомобили влегоа во потесната конкуренција за признанието Автомобил на годината во Македонија, објави националното жири.
Тоа одлучи во финалето на 28. избор да се најдат „ситроен Ц4“, „ленд ровер дифендер“, „нисан џук“, „пежо 2008“, „шкода октавија“, „сеат леон“, „тојота јарис“ и „фолксваген голф“. Името на победникот ќе биде соопштено на крајот на месецот.
Во исто време ќе се изберат и теренец (СУВ) на годината и електричен модел кој донесол најмногу новитети на полето на електрификацијата.
