На 14 декември, во салата „Борис Трајковски“ ќе се одржи новогодишно шоу на мраз со популарните детски ликови Петар Пан, Елса, Супермен, Аладин, Том и Џери, Спајдермен, Мики Маус и Круела, објави продукцијата „Прагма“.
„Во арената ќе има повеќе од 300 квадратни метри вистински мраз, што ќе се подготвува четири дена, за сѐ да изгледа совршено. На ликовите кои ги сакаат децата ќе им се придружи и Дедо Мраз“, велат организаторите.
Оттаму додаваат дека нивните улоги ќе ги играат светски познати првенци во уметничко лизгање, кои ќе ја покажат умешноста во правање акробации.
Првата претстава е од 12 часот, а втората е со почеток од 17 часот, и двете на 14 декември. Влезниците се продаваат преку мрежата на kupikarta.com.
