Дури 46 држави ги имаат затворено сите образовни институции на национално ниво поради кризата со коронавирусот, објави УНЕСКО. Меѓу нив е и Македонија, каде што ваква одлука беше донесена пред два дена.
Данска е последната држава која ги затвори сите училишта и факултети, откако бројката заразени порасна на 514.
Во Казахстан сите училишта се затворени уште од понеделникот, иако во земјата не е регистриран ниеден случај на коронавирус.
Јапонија меѓу првите реагираше со ваква драстична мерка и минатиот месец ги затвори сите училишта до крај на март.
Според УНЕСКО, уште 13 држави имаат затворено училишта само во одредени области, како што е случај со Шпанија. Во Велика Британија и Германија се затворени само мал дел училишта.
