Во септември, претставите на Народниот театар Битола ќе се одиграат на повеќе фестивали низ Македонија.
„Фетишист“ на 9 септември ќе гостува на фестивалот „Ристо Шишков“ во Струмица, а на истиот фестивал на 12 септември ќе се игра претставата „Ричард Трети“. „Снежана и седумте џуџиња“ на 13 септември гостува на театарскиот фестивал за деца „Малиот принц“ во Штип, а на 16 септември на театарскиот фестивал „Силјан штркот“ во Прилеп. „Рибарски караници“ (фото) ќе гостува на 25 септември на „Денови на комедијата“ во Куманово.
Претставата „Фетишист“ е направена по делото на Мишел Турние, во режија и изведба на актерот Здравко Стојмиров. ,,Ричард Трети“ е според делото на Шекспир, во режија на Мартин Мирчевски.
„Снежана и седумте џуџиња“ е по текст на Љубивое Ршумовиќ, но се употребени и делови од бајките на браќата Грим и е во режија на Драгана Милошевски-Попова. Претставата „Рибарски караници“, чија премиера беше на отворено, на Ротинско Езеро, е во режија на Јован Ристовски.
Фото: Народен театар Битола
