Втор ден по ред, во Македонија има четири починати од КОВИД-19, додека бројката оздравени продолжи да се зголемува.
- Од последиците на коронавирусот починале три лица од Прилеп на возраст од 55, 69 и 87 години, како и 62-годишен жител на селото Зрновци (Кочанско).
- Вкупната бројка починати сега изнесува 81.
- Потврдени се и 29 нови случаи на коронавирус (11 во Скопје, шест во Велес, четири во Куманово, по три во Кочани и Прилеп и два во Тетово).
- Во Македонија досега се регистрирани 1.494 заразени.
- Од нив, 807 оздравеле, 69 повеќе во однос на вчера.
- Неносење заштитна маска од денеска се казнува со 20 евра.
- Таа мора да се носи во сите јавни објекти, како државни институции, супермаркети, продавници, банки, пошти, јавен превоз, здравствени институции и слично.
- На светско ниво досега има над 3,3 милиони заразени, додека бројката оздравени надмина еден милион. Од КОВИД-19 починале 235.000 луѓе.
