АКТЕРОТ ДЕЈВИД ЏЕЈСОН НА 83 ГОДИНИ СЕ СПОИ СО ЌЕРКАТА И ВНУКОТ ЗА КОИ НЕ ЗНАЕЛ ДЕКА ПОСТОЈАТ

Лондон, (Мирор)

Британскиот актер Дејвид Џејсон, популарниот Дел Бој од легендарната хумористична серија „Сплетки“, на 83 години дозна дека има уште една ќерка, која денес е 52-годишна. Радоста да биде поголема, тој истовремено дозна дека е и дедо на десетгодишно момче.

Британските медиуми јавуваат дека Џејсон веќе се поврзал со ќерката Еби Харис и внукот Чарли по сите овие години разделеност.

„Малку е да се каже дека ова е изненадување за мене. Откако дознавме за нив, јас, сопругата Џил и нашата ќерка Софи ги примивме во семејството со раширени раце“, изјави Џејсон.

Еби е родена во 1970 година, по кратката врска на мајка ѝ Џенифер Хил со Џејсон.

„Знаејќи за оваа врска, долго време се сомневав дека тој ми е биолошки татко. Подоцна сфатив дека го имам неговиот нос“, кажа Еби Харис, која е актерка, како и мајка ѝ.

Џејсон е во брак со Џил Хинчклиф од 2005, а ќерката Софи ја добија во 2001, кога тој имаше 61 година.

(Фото: Мирор)