Биографскиот филм за Ејми Вајнхаус „Back to Black“ од денеска (9 мај) ќе игра во киното Синеплекс во Скопје, а македонската премиера ќе биде проследена со настапот на пејачката Агни Авшар. Таа ќе отпее неколку песни на славната британска пејачка.
Филмот во режија на Сем Тејлор-Џонсон ја следи Вајнхаус низ нејзините динамични рани години во Лондон и интензивното патување до славата. Покојната пејачка ја глуми 27-годишната англиска актерка Мариса Абела, за која ова е прва голема улога.
Џек О‘Конел го игра бившиот сопруг на Вајнхаус, Блејк Филдер-Сивил, Еди Марсан е татко ѝ Мич, а во улогата на баба ѝ е Лесли Менвил. Филмот е снимен со одобрение на семејството на Вајнхаус, а Абела самата ги пее нејзините хитови.
