Џорџ Клуни се разболе пред премиерата на новиот филм „Џеј Кели“, што се одржа вчера на Филмскиот фестивал во Венеција.
Американскиот режисер Ноа Баумбах им рече на новинарите дека додека работел на проектот со британската актерка и сценаристка Емили Мортимер сфатил дека улогата е измислена за харизматичниот Клуни.
„Уште на почетокот си кажавме дека ова ќе биде Џорџ“, рече Баумбах, додавајќи дека им било важно главниот актер да биде глобална суперѕвезда со која публиката може веднаш да се поврзе.
Клуни има долга историја со Венеција, откако првпат се појави на најстариот филмски фестивал во светот пред 27 години. Тој ја пропушти прес-конференцијата на 28 август поради, како што беше кажано, тешка синусна инфекција.
Сепак, тој се појави на црвениот тепих со сопругата Амал покрај него, изгледајќи како филмска ѕвезда од А-листата.
„Дури и филмските ѕвезди се разболуваат“, рече Баумбах.
Клуни ја игра насловната улога во филмот: тој е светски познат актер кој доживува криза во кариерата, по што тргнува на пат низ Европа придружуван од својот лојален менаџер, кого го глуми Адам Сендлер.
„Кога читате сценарио како ова, си велите: ‘Леле, не можам да верувам дека го добивам овој подарок‘“, рече Сандлер.
(Фото: Гети)
