Ејва ДуВернеј ќе снима документарен филм за починатата фанк легенда Принс, што ќе биде продуциран од „Нетфликс“.
Филмот ќе се состои од повеќе делови и ќе ги опфати сите фази од животот и кариерата на Принс и компанијата која управува со неговото наследство ќе ѝ даде на Дувернеј целосен пристап до архивата.
„Принс беше гениј, радост за сите сетила. Никој не беше како него. Тој ги помести сите граници и преку музиката го сподели сето она што го носеше во срцето. Овој филм може да се направи само со голема љубов и почестена сум што ми беше дадена оваа можност“, изјави 46-годишната режисерка, која беше номинирана за Оскар за документарниот филм „Тринаесеттиот“.
ДуВернеј ја почна режисерската кариера во музичките документарци, снимајќи два филма за хип хоп сцената.
