Двете номинации на актерката Ема Стоун за филмот „Бугонија“ ѝ овозможија да сруши еден од рекордите на холивудската легенда Мерил Стрип. На 22 јануари, Стоун доби номинација за најдобра актерка за улогата во трилерот, а истовремено е и една од продуцентите на филмот, кој е номиниран за најдобар филм.
Стоун, на 37 години, сега е најмладата жена во историјата која добила седум номинации за Оскар во текот на својата кариера.
Стрип претходно го држеше тој рекорд меѓу жените, бидејќи имала 38 години кога ја доби својата седма номинација во 1988 година. Сепак, Стрип, која има 76 години, сè уште го држи рекордот за најмногу номинации од кој било актер, вкупно 21. Стрип има освоено три Оскари, а Стоун два.
„Ѝ благодарам на Академијата за овие номинации и на сите кои ја вложија својата душа во ‘Бугонија’. Ништо од ова не би постоело без нашиот режисер, Јоргос Лантимос. Засекогаш сум благодарна за нашето креативно партнерство и пријателство“, изјави Стоун на 22 јануари.
(Фото: Гети)
