Студиото „Парамаунт“ ќе снима нова верзија на „Кошмар на Улицата на брестовите“ откако постигна договор со семејството на Вес Крејвен, режисерот на оригиналниот филм.
Крејвен беше режисер и сценарист на првиот филм од 1984, како и на седмиот од 1994. Последниот, деветти дел од серијалот излезе во 2010.
Главниот лик Фреди Кругер, во изведба на Роберт Енгланд, стана дел од поп-културата во 1980-тите и 1990-тите. Во последниот филм, неговата улога ја презеде Џеки Ерл Хејли. Крејвен почина во 2015.
Вдовицата и синот на Крејвен ги откупија правата на оригиналниот филм во 2019 и ќе бидат продуценти на новата верзија. „Парамаунт“ ќе го снима филмот според оригинално сценарио, а актерската екипа засега не е позната.
