Познати се номинациите за 94. Оскари, кои ќе бидат доделени на 27 март, кога ќе се вратат во театарот „Долби“ во Лос Анџелес со водител.
- Вестерн драмата „Моќта на кучето“ ќе се бори за најмногу статуетки – 12, додека научно-фантастичниот спектакл „Дина“ доби 10 номинации, но притоа беа игнорирани сите актери и режисерот Денис Вилнев.
- 28 години по „Пијано“, Џејн Кемпион стана првата жена која двапати била номинирана за најдобра режија. Тогаш беше наградена за сценарио, а сега има три номинации за „Моќта на кучето“.
- Меѓу 20-те номинирани актери и актерки има две двојки: Хавиер Бардем и Пенелопе Крус се во брак од 2010, а Џеси Племонс и Кирстен Данст се свршени од 2017 и имаат две деца.
- Дензел Вашингтон ја доби 10. номинација, а Стивен Спилберг стигна до бројката од 19.
- Композиторката Дајен Ворен го чека првиот оскар по 13 номинации, а една од конкурентките ќе ѝ биде Бијонсе.
- Зад Ворен е Пол Томас Андерсон, кој доби три номинации за „Ликорис пица“ и сега ги има вкупно 11.
- „Лунана: Јак во училницата“ е првиот филм од Бутан кој бил номиниран за оскар за најдобар странски филм.
- Трој Котсур е првиот номиниран глув глумец („КОДА“).
