„The Phoenician Scheme“ е насловен новиот филм на Вес Андерсон, што ќе излезе оваа пролет.
Оваа шпионска комедија следи семеен бизнис на чие чело е За-За Корда (Бенисио дел Торо), еден од најбогатите луѓе во Европа. Андерсон успеа да собере ѕвездена актерска екипа во филмот, па глумат и Том Хенкс, Бил Мареј, Брајан Кренстон, Риз Ахмед, Џефри Рајт, Скарлет Јохансон, Бенедикт Камбербач и Мајкл Сера.
Филмот ќе има премиера во САД на 30 мај, а поширока дистрибуција од 6 јуни.
„The Phoenician Scheme“ следува две години по последниот игран филм на Андерсон, „Астероид Сити“. По бројни номинации, Андерсон лани освои Оскар за најдобар краток игран филм за „The Wonderful Story of Henry Sugar“.
