Основачот на „Пасворд продукција“ , Логин Кочишки е добитник на првата, инаугурациска награда за пионерски белег на музичката сцена, „Trailblazer award“ од Меѓународниот форум на музички менаџери (IMMF).
Наградите беа доделени на 9 декември во Ријад, Саудиска Арабија за време на „Riyadh Music Week“, а наградата во име на Кочишки ја прими Иван Миливојев (YOUROPE, основач на Exit Festival) кој се заблагодари за признанието.
Наградата е креирана како светско признание за тимот за артистите, за професионалците со различни нивоа на комерцијален успех, но кои секогаш демонстрираат посветеност, стратегија и вредност за музичарите.
(Фото: „Навигаторс“)
