ДИНО ИМЕРИ СО ОНЛАЈН КОНЦЕРТ ВО МУЗЕЈОТ НА МАКЕДОНСКАТА БОРБА

Скопје, (СМАРТ СДК.МК)

Пијанистот Дино Имери вечерва од 18 часот ќе одржи концерт во салата на Музејот на македонската борба, кој ќе се пренесува преку социјалните мрежи. Настапот е насловен „Концерт во изолација“, а ќе се изведат дела од Бетовен, Рахманинов, Брамс, Дебиси и други автори.

Имери (1990) е еден од најреномираните македонски пијанисти и предава на Факултетот за музичка уметност во Скопје. Настапувал со огромен успех со филхармониите на Стразбур, Софија и Северна Македонија, Симфониски и Камерен оркестар на ФМУ и со Национална опера и балет. Рецитално настапувал на престижни сцени низ Европа, меѓу кои „Ватрослав Лисински“ во Загреб, палата „Естерхази“ и „Лист-Центрум“ во Австрија, „Пијано Плаж фестивал“ во Франција, Охридско лето и Скопско лето.