Битолската група „Фолтин“ ќе одржи концерт во Скопје на 22 ноември, во Филхармонијата од 20 часот, објави бендот на социјалните мрежи.
„Фолтин“ се основани во 1995 и овој концерт е прослава на нивната 30-годишна работа. Познати се по миксот на традиционална музика, електроника, рок и елементи на кабаре и перформанс и имаат снимено десетина албуми и музика за бројни театарски претстави и филмови, како „Плати и жени“, „Исцелител“, „Медена земја“ и други.
„На оваа специјална вечер, за првпат во Филхармонијата, ќе бидат изведени и композиции од нивниот богат опус кои не се изведуваат често во живо“, велат од тимот на „Фолтин“.
Билетите се продаваат преку мрежата на karti.com.mk.
