Квартетот на грчкиот музичар Џим Политис ќе настапи вечерва во рамките на 43. издание на Скопско лето. Концертот ќе се одржи во трговскиот центар „Ист гејт“ со почеток во 21 часот и е под покровителство на Генералниот секретаријат за грчка дијаспора и јавна дипломатија при грчкото министерство за надворешни работи.
Покрај гитаристот Џим Политис, квартетот го сочинуваат и Џорџ Пациотис (гитара), Костас Арсенис (контрабас) и Серџио Хрисовицанос (виолина).
