Прославениот фински композитор Калеви Ахо ќе присуствува на вечерашниот концерт во Филхармонијата (20 часот), по повод светската премиера на неговото дело Концерт за алт-флејта и гудачи бр. 2. На концертот насловен „Сеќавање на Б.Б.“ ќе се изведат и дела од Естонецот Арво Перт и од романската композиторка Дојна Ротару.
Ахо го напишал ова дело на иницијатива на романскиот флејтист Матеј Јоакимеску, кој вечерва ќе настапи како солист, а диригент ќе биде Габриел Бебешелеа.
Седумдесет и тригодишниот Ахо во својата плодна кариера напишал 17 симфонии, 36 концерти и пет опери.
