Третото издание на фестивалот Музички блок ќе се одржи вечерва (3 ноември) во Младински културен центар во Скопје. Целта на овој настан е промоција на млади и нови музичари и бендови од Европа, чија музика ги носи најновите музички трендови.
Фестивалот е дел од мрежата Лајвјуроп, првата паневропска иницијатива која ги поддржува напорите на концертните сали ширум Европа во промоцијата на нови музички артисти.
Ќе настапат словенечкиот поп/пост-панк бенд „LELEE“, во кој свири и македонскиот гитарист Дамјан Маневски, холандската рокенрол атракција „Cloudsurfers“, домашниот алтернативен рок состав „Харакири“, хрватскиот кантавтор и мултиинструменталист Антун Идем и српската ноиз рок група „Прото тип“.
Почетокот e во 21 часот.
