Роби Вилијамс ги надмина легендарните „Битлс“ откако стана музичар со најголем број албуми на првото место во историјата на британската топ-листа.
Албумот на Вилијамс, „Бритпоп“, кој излезе на 16 јануари, е негов 16. албум што го зазеде првото место во соло кариерата, која започна во 1997 со „Life Thru A Lens“.
„Ова е неверојатно. Апсолутно неверојатно. Едноставно е фантастично тоа што се случи. Се чувствувам како Форест Гамп на поп-музиката“, изјави тој за „Би-Би-Си“.
Новиот албум на Вилијамс се навраќа на почетоците на неговата соло кариера. Насловната фотографија е базирана на познатата фотографија на Мик Хадсон, направена на фестивалот Гластонбери во 1995. Тоа беше инцидент кој на крајот доведе до неговото исфрлање од „Тејк дет“.
Тој го нарече „Бритпоп“: „Албумот што сакав да го напишам откако ја напуштив ‘Тејк дет’ и прослава на ‘златната ера на британската музика’, која ја користи енергијата на бендовите од 1990-тите како ‘Оејзис’“.
„Гардијан“ го нарече „непредвидливо, но шармантно патување низ времето до 1990-тите“ во рецензија со четири ѕвезди. „Ролинг стоун“ исто така му додели четири ѕвезди, наведувајќи дека Вилијамс звучи „ослободено додека изведува некои од своите најдобри песни во последните години“.
Низ целата своја кариера, ѕвездата сега има 21 албум на првото место, вклучувајќи ги и врвните албуми на „Тејк дет“ како „Everything Changes“ и „Progress“. .
Само Пол Макартни од „Битлс“ има повеќе вкупно, 23.
(Фото: Британска топ листа)
