Концертот што Владо Јаневски требаше да го одржи на 27 декември во салата „Јане Сандански“ во Скопје се одложува за пролет 2025, објави „Авалон“.
„Поради новонастаната здравствена состојба на Владо Јаневски, по која нема стопроцентна сигурност дека ќе биде способен да го одржи закажаниот концерт на 27 декември, како и поради одредени технички причини кои ги има овој проект во моментов, заедно со Владо донесовме одлука концертот да се одржи во периодот март-април 2025“, велат од „Авалон“.
Купените влезници нема да важат за новиот датум на концертот, а средствата ќе бидат рефундирани од страна на сервисот од каде што се купени.
Фото: К. ПОПОВ
