Меѓу многуте настани со кои ќе се одбележат 120 години Илинден се издвојува настапот на еден од пионерите на техно музиката Дерик Меј на брегот на Преспанското Езеро на 2 август.
Журката на плажата Дупени ќе биде своевиден мал фестивал, бидејќи покрај Дерик Меј, ќе настапат и Алекс Есид, Дејан Декс, Фирма, Маци Стојановиќ, Монго и Омару, Стојче, Томи Бојаџи и браќата Узун.
Почетната цена на влезниците е 250 денари, а потоа ќе бидат 350 и 500 денари.
Настанот го организира екипата од „Сектор 909“ и „Излет“, која зад себе има долга соработка со Дерик Меј и други легенди на техно музиката, вклучувајќи ги одлично прифатените спојки со Македонската филхармонија.
(Фото: Фејсбук)
