Двократната оскаровка Хилари Свонк објави дека ќе стане мајка на 48 години. Таа откри дека чека близнаци со својот сопруг Филип Шнајдер.
„Ова е нешто што сум го посакувала долго време. Ќе бидам мајка! Не на едно, туку на две деца! Ова е чудо“, кажа Свонк при гостувањето во емисијата „Добро утро Америка“, додавајќи дека е во второто тримесечје од бременоста.
Свонк, која моментално ја снима серијата „Alaska Daily“, и Шнајдер се во брак од 2018.
„Ќе биде интересно да се види како ќе ми се менува телото. Многу е убаво што можам да зборам за ова“, кажа Свонк.
(Фото: АП)
