Ријана и нејзиното момче АСАП Роки го добиле првото дете, објавија американските медиуми. Извор близок на двојката изјави дека бебето веќе стигнало дома во Лос Анџелес.
„Ријана е добро. Тие се многу возбудени што станале родители. Ријана е веќе прекрасна мајка“, кажа изворот за магазинот „Пипл“.
Сајтот ТМЗ објави дека 34-годишната поп ѕвезда се породила во тајност на 13 мај во Лос Анџелес. Бебето е машко, но името засега не е познато.
Ријана и АСАП Роки во јануари открија дека чекаат бебе.
