Новата, петта сезона на хит-серијата „Емили во Париз“ ќе се емитува од 18 декември, објави „Нетфликс“.
Како што покажа новиот трејлер, главниот лик Емили Купер (Лили Колинс) се оддалечува од својот сакан француски град и заминува во Рим. Минатата сезона, шефицата на Емили, Силви, која ја игра Филипин Лерој-Болие, ја замоли да ја води новата канцеларија на агенцијата „Грате“ во Рим. Трејлерот открива дека Емили има нов партнер.
„Таа е похрабра, посилна и е поголема авантуристка. Таа е во нов град и нова земја, сфаќајќи ги сериозно своите живот, љубов и работа“, вели Колинс.
Целиот овој раст го натера Дарен Стар, креаторот и извршен продуцент на „Емили во Париз“, да ја нарече авантурата што претстои „една од неговите омилени сезони“.
„Приказната ми се чини многу свежа. Односите се позрели оваа сезона и мислам дека целиот актерски тим може да направи многу“, рече Стар.
Во трејлерот се гледа какви приказни смислил Стар за Емили и за нејзината екипа во Париз: Минди (Ешли Парк), Алфи (Лусијан Лависконт), Жилиен (Самуел Арнолд) и Лук (Бруно Гуери).
