Ума Турман, Џон Литгоу, Питер Динклиџ и Нил Патрик Харис се актерските ѕвезди кои ќе се појават во новата серија за серискиот убиец Дектер Морган, насловена „Декстер: Воскресение“ (Dexter: Resurrection). Таа ќе биде продолжение на „Декстер: Нова крв“, која се фокусираше на неговиот син Харисон.
Серијата моментално се снима во Њујорк, а премиерата ќе биде летово на „Шоутајм“ и стриминг платформата „Парамаунт+“.
Мајкл Си Хол се враќа во улогата на Декстер, а од старите ликови ќе ги видиме и детективот Батиста (Дејвид Зајас) и таткото на Декстер (Џејмс Ремар), како и синот Харисон (Џек Алкот).
Ѕвездата на „Игра на тронови“, Питер Динклиџ, ќе го глуми главниот антагонист, милијардер со тајна мрачна страна. Некои извештаи велат дека Харис, Кристен Ритер („Џесика Џонс“) и Ерик Стоунстрит („Модерно семејство“) ќе глумат сериски убијци. Кон оваа екипа се придружи и ветеранот Џон Литгоу, кој откри дека неговиот лик Тринити Килер ќе се врати како „фантом кој му се укажува на Декстер“.
