„Лада“ го претстави својот концепт „4х4 вижн“, кој за многумина дава претстава како ќе изгледа идната верзија на долговечниот теренец на руската компанија.
Моделот „вижн“, кој досега беше познат под имињата „нива“ и „ваз-2121“, во речиси непроменета форма се произведува од 1977 година, како бескомпромисен теренец, сличен на „ленд ровер дифендер“.
„‘4х4 вижн‘ е дизајниран за да ја покаже филозофијата на ултимативното теренско возило. Овој концепт дава визија како ќе изгледа иднината на ‘Лада‘ и колку енергична планира да биде“, изјави главниот дизајнер на компанијата, Британецот Стив Матин.
Стилски, новиот теренец ги презема карактеристиките на досегашните модели, но во внатрешноста се додадени дигитален кокпит и богата опрема. Долг 4,2 метри, концептот има пет врати, панорамски стаклен покрив и нов менувач, а ќе го придвижува бензинец со 122 коњски сили.
