На денот кога по три месеци завршува вонредната состојба, Македонија бележи рекордна бројка новозаразени и починати од КОВИД-19.
- Осум лица на возраст од 31 до 81 година починаа од последиците на коронавирусот, најмногу во еден ден досега: четири од Скопје и едно од Струга, Охрид, Гостивар и Ресен.
- Вкупната бројка починати порасна на 179.
- Во изминатите 24 часа се регистрирани 196 нови случаи на коронавирус (од 1.213 тестирања), 16 повеќе од досегашниот рекорд, поставен на 5 јуни.
- Шведска и Холандија денеска имаат помала бројка новозаразени од Македонија.
- По градови, најмногу се во Скопје (90), Тетово (45) и Куманово (17).
- Во земјата досега има 3.895 заразени, од кои 1.705 оздравеле, додека бројката активни случаи сега е поголема од 2.000.
