Речиси 200 новозаразени со коронавирус, од кои 140 во Скопје, е денешниот биланс што продолжува да ја нагласува загрижувачката епидемиолошка состојба во Македонија.
- Уште девет лица починаа од последиците на коронавирусот, од кои пет од Скопје на возраст од 47 до 85 години, две од Куманово (67 и 81 година), 83-годишен пациент од Охрид и 61-годишник од Тетово.
- КОВИД-19 досега однесе 210 животи во Македонија.
- Во изминатите 24 часа се потврдени 193 нови случаи на коронавирус (од 1.391 тестирање), само три помалку од рекордот од 13 јуни.
- Дури 140 од нив се во Скопје, па следуваат Тетово со 19 и Охрид со 11.
- Министерот за здравство Венко Филипче кажа дека првите пациенти се сместени во монтажната болница до Инфективната клиника во Скопје.
- „Во наредните седум дена очекуваме да се зголеми бројот на хоспитализирани лица“, кажа Филипче.
- Вкупната бројка заразени порасна на 4.482.
- Досега оздравеле 1.803 лица, но има 2.469 активни случаи.
