Со проекцијата на филмот „Пинокио“ во Градски парк на Школка (20:30 часот), скопската Зоолошка градина денеска го почнува одбележувањето на 95-годишнината од основањето. Оттаму најавуваат дека во наредните месеци се планирани едукативни и забавни настани во градината.
„Проекцијата на филмот е замислена како пикник, па секој треба да си понесе ќебенце. Ние ќе обезбедиме вода, сокови и кроасани за посетителите. Филмот ‘Пинокио’, кој беше номиниран за оскар во две категории, е од жанрот фамилијарен/фантазија“, велат од скопската ЗОО.
Влезот ќе биде бесплатен.
