Наоми Кембел инсистираше дека нејзината ќерка не е посвоена откако за првпат ѝ го покажа лицето во фотосесијата за мартовското издание на британски „Вог“.
Педесет и едногодишниот супермодел ја изненади јавноста кога во мај објави дека станала мајка, само неколку недели откако без видливо трудничко стомаче се појави на пистата на Њујоршката модна недела.
![](https://smart.sdk.mk/wp-content/uploads/2022/02/naomi.jpg)
Кембел кажа дека сега деветмесечното бебе е нејзино, не откривајќи кој е таткото.
„Таа не беше посвоена, таа е мое дете“, вели Кембел и призна дека многу малку луѓе знаеле дека планира да стане родител.
„Таа е најголемиот благослов што можам да го замислам, најдобрата работа што сум ја направила“.
Кембел никогаш не откри како ја добила ќерката, чие име не е познато, но во минатото ги фалеше модерните научни методи кои би ѝ овозможиле да стане родител кога ќе посака.