„Елвис“ на Баз Лурман го донесе рокенролот на Канскиот филмски фестивал, каде што биографскиот филм за Елвис Присли ја имаше својата светска премиера.
На црвениот тепих се појавија главните актери Остин Батлер и Том Хенкс, како и бившата сопруга на легендарниот пејач, Присила Присли, која го одобри снимањето на филмот.
„Елвис“ не е само филмска посвета на „кралот на рокенролот“, туку првенствено се фокусира на неговиот долг и проблематичен однос со менаџерот Том Паркер (Хенкс), за кого се вели дека имал неетичка и штетна контрола врз Присли.
„Ворнер брос“ ќе го објави „Елвис“ во кината на 24 јуни.
