„Ролинг стоунс“ го прослави излегувањето на својот прв албум со оригинална музика по 18 години пауза со клупска свирка во Менхетн. Мик Џегер, Кит Ричардс и Рон Вуд, придружувани од уште четворица музичари на сцената, изведоа седум песни, од кои четири од новиот албум „Hackney Diamonds“, кој официјално излезе денеска.
Свирејќи го новиот сингл „Angry“, 80-годишниот Џегер кажа дека за сѐ има првпат.
Критиката одлично го оцени албумот, при што многумина ја посочија острата енергија што ја покажува бендот.
Лејди Гага излезе на сцената и во дует со Џегер ја испеа песната „Sweet Sounds of Heaven“.
„Hackney Diamonds“ е првото студиско издание на групата по смртта на долгогодишниот тапанар Чарли Вотс во 2021, чие свирење може да се чуе на две песни.
(Фото: АП)
