Потешкотии во помнењето и проблеми со фокусирањето е она што стручњаците го нарекуваат „мозочна магла“. Вообичаени причини за оваа состојба се стрес или тага, но и она што го јадеме може да доведе до вакви проблеми.
Сајтот „Ит дис“ објави дека пекарските производи како леб, мафини и крофни, како и претерувањето со житарки за појадок ги зголемуваат проблемите со фокусирањето и го отежнуваат помнењето. Глутенот може да доведе до системско воспаление кое влијае на бројни телесни системи, вклучувајќи го и мозокот. Ова воспаление може да резултира со состојба на когнитивно оштетување.
„И алкохолот е голем виновник за мозочната магла“, вели американската нутриционистка Мелиса Митри.
Додава дека и редовното јадење пржена храна може да доведе до зголемено воспаление во телото, фактор кој придонесува за појава на мозочна магла.
Претерувањето со кафе и чај исто така може да предизвика когнитивни нарушувања. Парадоксално е што иако мали количини кофеин можат да ги подобрат будноста и концентрацијата, прекумерното пиење кафе често води до спротивен ефект и може да резултира со замор и главоболки.
