Македонското модно здружение „Скопје“ заедно со дваесетина ученици од ОУ „Ванчо Прке“ од Виница одржаа изложба на тема „Земјоделските остатоци како текстилна и дизајн суровина во Општина Кочани и Општина Виница“. Изложбата во Домот на културата „Тошо Арсов“ во Виница се одржува под слоганот „Како може оризовиот отпад да се трансформира во дизајн?“.
Под менторство на искусни дизајнери и уметници, младите креативци ги прикажаа резултатите од творењето во изминатите неколку месеци. Преку практични работилници, теоретска настава и креации, учениците покажаа како можат да се развијат нови дизајни на производи од оризовиот отпад (арпа и слама). Со уметност и иновација, тие покажаа на каков начин може да се искористи потенцијалот на земјоделскиот отпад како алтернативна суровина во производството и дизајнот.
Изложбата ќе биде отворена до 21 декември.
